Pages

Sunday 11 December 2011

လူနှစ်မျိုး



တစ်နေ့ ရွာထဲမှ ဒါယိကာမတစ်ဦးသည် ဆရာတော်ကျောင်းသို့ဆွမ်းချိုင့်လာပို့စဉ် ကျောင်းထိုင်ဆရာတော်နှင့် ထွေရာလေးပါး စကားများပြောနေကြလေ၏။
``စီးပွားရေးလုပ်ရတာ အဆင်ပြေကြရဲ့လားကွဲ့´´
``တင်းပါ့   မဆိုးပါဘူးဘုရား´´
``အေး  အေး  သမ္မာအာဇီဝကျကျ ကြိုးစားကွဲ့ ၊ ကြားလား´´
``တင်းပါ့ဘုရား ၊ အတတ်နိုင်ဆုံးကြိုးစားနေပါတယ်ဘုရား´´
``သာဓုကွယ်  သာဓု   သာဓု´´
``ဒါနဲ့  ဒကာမကြီးသားလေးရော  ၊  အလုပ်တွေကို လက်လွှဲလို့ရပြီလား´´
``မထင်ပါနဲ့ဘုရား  ၊  အိမ်ကအလုပ်တွေဝါသနာမပါဘူး  ၊  အရင်းနှီးထုပ်ပေးပါဆိုလို့ ပေးလိုက်မိတယ် ဘုရား ၊ အကုန်သုံးဖြုံးပြီး ပြန်ရောက်လာတာဘဲ  ဆရာတော်  ၊ တစ်ခါမက  နှစ်ခါမက ဆိုတော့  တပည့်တော်ကတော့  လန့်တောင်လာပြီဘုရား´´
``အင်း  လောကမှာလူနှစ်မျိုးရှိတယ် ဒကာမကြီး ´´
``တင်းပါ့  အမိန့်ရှိပါ ဘုရား´´

     မြင်းခွာရွက်နဲ့တူတဲ့လူက တစ်မျိုး ၊  နောက်ဗူးပင်နဲ့တူတဲ့လူကတစ်မျိုး ပေါ့။
     ဗူးပင်ဆိုတာ စင်ထိုးပေးရင် အပေါ်ကိုတက်တယ်လေ ၊ အေး  မြင်းခွာရွက်ကတော့    စင်ထိုးပေးလဲ မြေကြီးမှာဘဲ ကပ်နေတတ်တယ်။
     လူဆိုတာကလဲ အဲသလိုမျိုးပေါ့  ဒကာမကြီးရယ် ။

``အော်   တင်းပါ့   တင်းပါ့   ၊  တပည့်တော် သဘောပေါက်ပါပြီဘုရား ´´

ရွေးချယ်မှု



တစ်ခါက ကျောင်းထိုင်ဆရာတော်တစ်ပါးက ကျောင်းရှေ့မျက်နှာသာမှာ အမှိုက်များ လှည်းနေသောအချိန်တွင်
ထိုကျောင်းတွင်းရှိ ကိုယ်တော်လေးတစ်ပါးမှ လာပြီး   --  --  --  --
`` ပေး   ပေး  ဆရာတော် တပည့်တော် လှည်းလိုက်ပါမယ်ဘုရား´´
ဆရာတော်က ထိုကိုယ်လေးမျက်နှာကို သေသေချာချာကြည့်ပြီး -  -
``ဦးဇင်းလေး  ၊  အခုမှ ဒီအမှိုက်တွေကိုမြင်တာလား´´
``မဟုတ်ပါဘုရား´´
``ဒါဆိုဘာလို့ အခုမှ လုပ်ချင်ရတာလဲ´´
``ဘုရား   -   -  -တပည့်တော်  -    - အဲ   -    - ´´
``ဦးဇင်းလေး ၊ မှတ်ထားကွဲ့ ။  ကုသိုလ်ဆိုတာ ယူတတ်ရင်နေရာတိုင်းမှာရှိတယ်´´
``တင်းပါ့ ဘုရား´´
``မျက်နှာရချင်လို့ လုပ်တာဆိုရင် တစ်ခဏတာ အခွင့်ရေးတော့ ရကောင်းရလိမ့်မယ် ၊
အေး ကုသိုလ်ရချင်လို့လုပ်တာဆိုရင် သံသရာအတွက် ကောင်းတာပေါ့  -  -နော်´´
``တင်းပါ့ဘုရား´´
``ရွေးချယ်မှုဆိုတာ တစ်ခဏတာခံစားဘို့ သက်သက်မဟုတ်သလို တစ်ခုတည်းသောအခွင့်လမ်းလို့ စွဲမထားနဲ့ကွ´´
``ရွေးချယ်မှုကောင်းလို့ တို့ဘုရားလောင်း ပါရမီတွေကောင်းခဲ့တာပေါ့´´
``ကြိုးစားကြပေါ့ကွာ´´
ထိုနောက်ဆရာတော်သည် လှည်းလက်စ တံမြက်စီးကို ဆက်လှည်းလျှက်  -   -   -   -   -   -   -   -

Saturday 10 December 2011

အမောင်လူသား သတိထား


  • လူသားတွေတဲ့
  • မုသားတွေလဲ ဆိုလို့ဆို
  • အပိုတွေလဲ လုပ်လို့လုပ်
  • မဟုတ်တာက ခပ်များများ
  • ကြွားလိုက်စမ်းဟဲ့  အမောင်လူသား  ။

  • ၀ါးတားတားနဲ့ယောင်တောင်တောင်
  • ဒေါင်းယောင်ဆောင်လို့ ဇာတ်လမ်းထွင်
  • ကျွမ်းကျင်လှသည့် လူ့မာယာ
  • အမှားဝင်္ကဘာကိုဖန်တီး
  • အကြံကြီးသည့် အမောင်လူသား
  • ဆင်းရဲ့တော့မယ် သတိထား  ။

  • အမှားသိလျှင် အမှန်ပြင်
  • ဥာဏ်မြင်ရှေ့သွား အမောင်လူသား  ။

  • လုပ်ကိုင် ပြောကြား သတိထား
  • အမှားကင်းပါစေ  ။

ဘ၀ငြိမ်းချမ်းရေးတရား



စကားဝိုင်းတစ်ခုက ကောက်နှုတ်ချက်လေးပါ။
``အရှင်ဘုရား တပည့်တော်တို့ မြတ်စွာဘုရားတည်ထောင်ခဲ့တဲ့ သာသနာတော်ကြီး နောင်လာနောင်သားတွေလက်ထက်မှာ ကွယ်ပျောက်သွားမှာ အရမ်းစိုးရိမ်တာဘဲဘုရား´´
``ဘာဖြစ်လို့လဲ ဒကာတော်ရ´´
``အခုခေတ်လူငယ်တွေကို အားမရလို့ပေါ့ဘုရား´´
``ဟေ့ သူတို့လေးတွေက ဘာတွေလုပ်နေလို့လဲကွဲ့´´
``ဘာမှမလုပ်လို့ပေါ့ဘုရား´´
``ဒကာကြီးကို ဘုန်းဘုန်းတစ်ခုပြောပြမယ်နော်´´
``တင်းပါ့ဘုရား´´
``သာသနာနဲ့ပတ်သတ်တာက-  -   -  --  --
၁။ သာသနာ (အဆုံးအမ)
၂။ သာသနာ့ဝန်ထမ်း ( ဦးဇင်း ၊ ကိုရင် ၊ သီလရှင်)
၃။ သာသနာ့အဆောက်အဦး (ကျောင်း ၊ ကန် ၊ ဇရပ် ၊ တန်ဆောင်း ၊ စေတီပုထိုး ၊ ဘုရား-စသည်)
ဆိုပြီး (၃)မျိုးရှိတယ်ကွဲ့´´
``တင်းပါ့ဘုရား´´
``အေး     ဘုရားတွေ ကျောင်းကန် ဇရပ်တွေ ပေါတိုင်း သာသနာတည်တယ်၊ တိုးတတ်တယ် ခေါ်လို့မရဘူးကွဲ့´´
``မှန်ပါ့´´
``နောက်တစ်ခါ  ၊ ကိုရင်တို့ သီလရှင်တို့ ဦးဇင်းတို့ပေါတိုင်းလဲ သာသနာတည်တယ် တိုးတတ်တယ်လို့ပြောလို့မရဘူးကွ´´
``မှန်ပါ့´´
``တကယ်တော့ ဘုရားအဆုံးအမတွေကို လိုက်နာတဲ့လူတွေ ။ လက်တွေ့တကယ်ကျင့်သုံးတဲ့လူတွေများလာမှ တကယ့်သာသနာ တည်တာကွဲ့´´
``အော် -  - -  - မှန်ပါ့ ၊ မှတ်သားထိုက်ပါတယ်ဘုရား ၊ အခုလိုကြားရတာဟာ တကယ်ကိုဝမ်းသာဖို့ကောင်းပါတယ်ဘုရား´´
``အေး ဘုန်းဘုန်းမှာချင်တာက သာသနာတကယ်အဓွန့်ရှည်ကြာတည်စေချင်ရင်တော့ မင်းတို့တစ်တွေ ဘုရားစကားများများနားထောင်ကြကွယ် ၊ ဟုတ်ကဲ့လား´´
``မှန်ပါဘုရား´´
``ကိုယ့်ဘ၀သာယာလှပဖို့ အတွက်ဆိုဘယ်သူပြောပြော နားထောင်ရမယ်ကွဲ့´´
``ဘာသာမတူလို့ ဘာဖြစ်လို့ ဆိုရင်ကိုယ်ပဲ နစ်နာလိမ့်မယ်ကွဲ့´´
``ဥပမာပြောရရင် လူနာဟာ ရောဂါသာပျောက်မယ်ဆိုရင် ဘယ်ဆရာဝန်ကပြောပြော နားထောင်ရမယ်လေ ။ . ....နော်။
`` အေး အဲသလိုဆို လောကကြီးလည်း အလိုလို အေးချမ်းပြီးသာယာလာလိမ့်မယ်ကွယ်´´
 ```` သတ္တ၀ါခပ်သိမ်း ၊ တရားကိန်း ၊ အေးငြိမ်းသာယာရှိပါစေ´´´´

ကူညီကြပါ



ရထားပေါ်မှာ ကြုံခဲ့တာလေးတစ်ခုပါ။
ရန်ကုန်ကနေ မန္တလေးသွားတဲ့ ရထားပေါ့။ တစ်ခုံက ဆရာတော် နှစ်ပါး။ မျက်နှာချင်းဆိုင်ထိုင်ခုံက ခပ်၀၀အမျိုးသမီးနှစ်ယောက်။ ခပ်ကြီးကြီးတစ်ယောက်က တက္ကသိုလ်ကျူတာ နောက်ခပ်ငယ်ငယ်တစ်ယောက်က အဆင့်အတန်းရှိတဲ့အသိုင်းဝိုင်းကထင်တယ်။ ရန်ကုန်ကထွက်လာလို့မှသိပ်မကြာသေးဘူး(ခန့်မှန်း။  ။ ၄ နာရီအကြာလောက်မှာပေါ့ )မျက်နှာချင်းဆိုင်ခုံက ၀ိတ်များလို့ထင်ပါတယ်။ (သူတို့က ၀.တယ်လေ)အလယ်က ကျိုးပါလေရော။  လူအများရှေ့မှာ ဖြစ်တာဆိုတော့ စဉ်းစားကြည့်ပေါ့ ၊ ဘယ်လောက်များ ရှက်လိုက်မလဲလို့၊
ဝန်ဆောင်မှုကတော့ ကောင်းပါတယ်။ အတွဲစောင့်ကို သွားအသိပေးတယ် ခဏ ခဏပါဘဲ၊ မလာရေးချမလာပေါ့။
    ထိုင်ခုံဝယ်ထားပါရက်နဲ့ မတ်တပ်ရပ်ပြီးစီးရတဲ့အဖြစ်။ စိတ်မကောင်းဘူးပေါ့လေ။ အဲဒီအချိန်မှာ ဘယ်လိုမှထင်မှတ်မထားဘဲ မုတ်ဆိတ်နှစ်ယောက်က လာပြီးဝိုင်းကူလုပ်ပေးပါတယ်။ မုတ်ဆိတ်ဆိုတာသိမှာပါ မွတ်လေ။ ဘာမှလုပ်မရတာနဲ့သူတို့လဲတပ်ခေါက်သွားတာပေါ့။                                အော် -  -     --ဘေးနားမှာကိုယ့်မြန်မာလူမျိုးတွေများစွာရှိနေပါရက်နဲ့ နေနိုင်လိုက်တာ ဆိုပြီး စိတ်ထဲကလဲမကောင်း။ ဖြစ်သေးပါဘူးလေဆိုပြီး ဘေးမှာထိုင်တဲ့ဦးဇင်းကို
``ဦးဇင် ဒကာမကြီးတွေ ကြည့်တာသနာစရာကောင်းပါတယ်။ တပည့်တော်တို့ နေရာကိုပေးထိုင်ခိုင်လိုက်ရင် အဆင်ပြေမလားဘုရား´´
``အင်း  -  -ရတယ်လေ ၊ ထိုင်ခိုင်းလိုက်ပေါ့´´
ရင်ထဲမှာ ဘယ်လိုဖြစ်သွားမှန်းမသိလိုက်ဘူး ၊ ၀မ်းသာလိုက်တာလေ ၊ ကူညီချင်တာကိုး ။
ဒီတော့မှ---
``လာ  လာ  လာ ဒကာမကြီးတို့ ဒီမှာထိုင် ဦးဇင်းတို့က ပိန်တယ်ဆိုတော့ အဲဒီဘက်မှာ အဆင်ပြေသလိုထိုင်လိုက်မယ်´´
 ကူညီချင်လို့သာထိုင်ခိုင်းလိုက်ရတယ်။ သူတို့နေရာက ဘယ်လိုမှ နှစ်ပါးထိုင်လို့မဖြစ်ဘူး။    ဒီတော့  ဒီတော့
ရထားအိမ်သာဘေးက လက်ဆေးခုံနားမှာ ဖြစ်သလိုနေရင် မိုးလင်းခဲ့ရတာပေါ့။  ဒါပေမဲ့တွေးလိုက်တိုင်း ကြည်နူးရပါတယ်။
ဘာဖြစ်လို့လဲဆိုတော့ ``သူတို့အဆင်ပြေသွားအောင်ကူညီခွင့်ရလိုက်လို့လေ´´
   သိစေချင်တာကတော့ ကိုယ့်လူမျိုးတွေ စာနာစိတ်နည်းနေတာကို အားမရလို့ပါ။ ကိုယ်လဲပဲလူသားမို့လို့ ခံစားမှုချမ်းသာကိုလိုချင်တာပေါ့။ ဒါပေမဲ့ စွန့်လွတ်ပြီးအနစ်နာခံလိုက်ရတာဟာ ခံစားမှုအရသာထက်ပိုတယ်ဆိုတာ ဘယ်သူမှပြောမပြဘဲ သိလာခဲ့ပြီလေ။
  စာနာခြင်းတရား လက်ကိုင်ထားခြင်းဖြင့် နိုင်ငံကြီးသားပီသနိုင်ကြပါစေ

ရထားပေါ်က လက်တွေ့ဘ၀



လက်တွေ့ဘ၀ထဲက လက်ငင်းအကျိုးပေးတဲ့ဖြစ်ရပ်လေးတစ်ခုပါဗျာ။
ဆောင်တာဝါသနာပါတဲ့လူတွေအတွက် ဆောင်စရာလေးဖြစ်သလို ရှောင်တာဝါသနာပါသူတွေအတွက်လဲ သင်ခန်းစာလေးတစ်ခုဖြစ်မယ်ထင်လို့ပါ။
ဒီဖြစ်ရပ်လေးရဲ့အစကတော့ ရန်ကုန်မှ မန္တလေးသို့သွားတဲ့ရထားပေါ်ကစတယ်လို့ဆိုရမှာပေါ့။
ဘူတာကိုရထားဆိုက်တော့မယ်ဆိုရင် အရင်ဆုံးရထားပေါ်အပြေးအလွှားတက်လာတာက ဈေးသည်တွေလေ။
စုံလို့ပါဘဲ။ ထမင်းရောင်းတာတွေလဲပါတယ် ။ မုန့်ရောင်းတာတွေလဲပါတယ် ။ ဆေးရောင်းတာလဲပါသလို လက်ဆောင်ပစ္စည်း ရောင်းတာလဲပါတယ်ဆိုတော့  အစုံအစုံပါဘဲ။

ရထားပေါ်မှာပါလာတဲ့ခရီးသည်တစ်ဦးရဲ့လက်ထဲမှာ ဒဏ်ရာ ဗလပွ အနာတရများစွာ ညစ်နွမ်းတဲ့ကာလာတွေ ဖြာထွက်နေတဲ့
နှစ်ရာတန် အစုပ်လေးတစ်ရွက်။
သူက လာလာသမျှ ဈေးသည်တွေကို အဲဒီပိုက်ဆံလေးနဲ့ ၀ယ်တယ်။
ဒါပေမဲ့ ဈေးသည်တော်တော်များများက ``ဒီပိုက်ဆံလေး ပြန်လဲပေးပါဦး ´´ ဆိုပြီးလဲခိုင်းတယ်။
ဒီလိုနဲ့ ပိုက်ဆံလေး နေမြဲတိုင်း သူဆီမှာဘဲ ကျန်နေခဲ့တာပေါ့။
ဒီတော့သူစဉ်းစားတယ်။
``အင်း  ဒီအတိုင်းဝယ်နေလို့ကတော့ အဆင်ပြေမှာမဟုတ်ဘူး ။ ငါ  နောက်ဘူတာကိုရောက်ရင် ရထားထွက်ခါနီးမှဘဲ ၀ယ်မယ် ဒီလိုဆိုသူတို့ ပြန်လဲခိုင်းလို့ရမှာမဟုတ်တော့ဘူး´´
သူ့အကြံနဲ့သူတော့ ဟုတ်လို့ပေါ့လေ။
     နောက်လာမဲ့ဘူတာမှာလဲ ဈေးသည်တစ်ယောက်။
သူကတော့ ရောင်းလို့မကုန် တဲ့ ထမင်းသိုးတွေကို ရထားထွက်ခါနီးမှ အပြေးအလွှားလိုက်ရောင်းတာ။
ဘူတာကိုလဲရောက် -  -  -  - ရထားပြန်ထွက်ခါနီး ဥသြလဲ စွဲရော။  ရထားဘီးတွေကလဲ တစ်လိမ့်ချင်းလိမ့်စပြုလို့ ။ ဒီတော့မှ -  -
 ``ထမင်းတွေ ရမယ် ၊ ထမင်းတွေရမယ်၊ ပူပူနွေးနွေးလေးနော် ၊ တစ်ထုပ်မှ  နှစ်ရာဘဲ ၊ ယူကြဦးမလား´´
နှစ်ရာတန်ခရီးသည်ကလဲ သူ့အကြံနဲ့သူ ။
``လာဦးဗျို့ ၊ တစ်ထုပ်လောက်ပေးပါ ။ ´´
``ဟုတ်ကဲ့ ၊ ရော့  ရော့  ၊ ပိုက်ဆံချပေးလိုက်လေ´´
``အေး  အေး´´

ခရီးသည်ကလဲ ပိုက်ဆံအစုပ်လေးထွက်သွားပြီး ၊ထမင်းထုပ်လေးရလာတော့ သူ့ကိုသူ ဟုတ်လှပြီပေါ့။
ဈေးသည်ကလဲ ထမင်းသိုးတစ်ထုပ်က ပိုက်ဆံနှစ်ရာ ရှာပေးတယ်ဆိုတော့ ၀မ်းသာလို့လေ။
ရထားပေါ်က ပစ်ချလိုက်လို့လေထဲဝဲနေတဲ့ ပိုက်ဆံလေးကိုအမိအရဖမ်း ၊  ပြီးတော့မှ ``ဟင်´´။
ခရီးသည် ကလဲ ဈေးသည်ကိုလှမ်းကြည့် ၊ သနားပါတယ်ဆိုတဲ့ သဘောပေါ့ ။
ပြီးတော့မှ ထမင်းစားမယ်ဆိုပြီး အိတ်ဖွင့်လိုက်တော့မှ ``ဟာ´´။
စာချစ်သူတို့ရေ အဲဒီ ( ဟာ နဲ့ ဟင် ) ကိုအနှစ်ချုပ်ရင်  -   -   -
အစုပ်ပေးရင် အပုတ်ရတယ် ။  အပုတ်ပေးရင် အစုပ်ရတယ် ပေါ့နော်။
စိတ်ထားလေးတွေ မကောင်းသရွေ့ အကျိုးပေးလဲ ညံ့တတ်တယ်ဆိုတာ သတိရစေချင်လို့ပါ။
လူအချင်းချင်း ၊ လှည့်ပတ်ခြင်း ၊ ကင်းရှင်းကြပါစေ။  ။  ။

Friday 9 December 2011

မြင်နိုင်ကြပါစေ

တစ်ခါတုန်းပေါ့ မိုးကုတ်မြို့လေးမှာပါ။
တရုတ်လူမျိုးတစ်ယောက်ရဲ့ အမူယာလေးက တစ်မျိုးဆန်းနေလို့။
အတုယူလိုသူများအတွက် ကောင်းကွက်လေးတစ်ခုမို့ပါ။
ခံစားကြည့်လိုက်ပါဦးနော်။
တရုတ်လူမျိုးတော်တော်များက မနက်ခင်းမှာ လမ်းလျှောက်ခြင်းစတဲ့ လေ့ကျင့်ခန်းတွေလုပ်လေ့လုပ်ထရှိတယ်လေ။
ထူးခြားတာတစ်ခုက အသက်ခပ်ကြီးကြီးတရုတ်ကြီးတစ်ယောက်ကတော့ သူလမ်းလျှောက်တိုင်း စိတ်ပုတီးစိပ်ရင်းလမ်းလျှောက်လေ့ရှိတယ်။
တစ်နေ့တော့ - - -
လမ်းမှာပန်းရံဆရာတစ်ယောက်နဲ့ တွေ့ရင်း စပ်မိစပ်ရာ ဟိုအကြောင်းဒီအကြောင်းပြောဖြစ်ကြတယ်ပေါ့။
အဲဒီမှာတင် ပန်းရံဆရာကမေးလိုက်တယ်။
``ခင်ဗျားက  ဘာဖြစ်လို့ပုတီးစိပ်တာလဲ ၊ ဂုဏ်တော်တွေရော ပွားတတ်လို့လား ဗျ´´
``အဲဒါတွေကိုတော့ ကျုပ်နားမလည်ဘူး ၊ ကျုပ်သိတာတစ်ခုက ပုတီးစိပ်ရင် စိတ်ငြိမ်တယ် ။ မဟုတ်တဲ့စကားတွေလဲမပြောဖြစ်ဘူး ၊
 အင်း  နောက်ပြီးတော့ ကျုပ်အတွက်လဲ အစစအရာရာ အဆင်ပြေတယ်ထင်လို့ပေါ့´´
ပန်းရံဆရာ ကိုရွှေမြန်မာကတော့  -   -   -
``အော်     အော်    အော်´´ နဲ့သာ လမ်းခွဲတစ်ခုမှာ ကျန်ရစ်ခဲ့လေတော့သတည်း ။
ဒီစာသားလေးက ဘာကိုဆိုလိုချင်တယ်ဆိုတာ အထူးပြောစရာမလိုတော့ပါဘူး ။
ကောင်းတာလေးတွေကိုကောင်းတယ်လို့လက်ခံတဲ့လူတွေမှာသာ ကောင်းတဲ့ဘ၀တွေကို ပိုင်ဆိုင်ရတာပါ။
စာချစ်သူတို့လဲ ကောင်းတာလေးတွေလက်ခံပြီး ကျင့်ကြံနိုင်ကြပါစေ ။   ။   ။